शासन निर्णय दिनांक १७ ऑक्टोबर २०१६ नुसार प्रस्तुत संस्थेच्या पूर्वीच्या इंग्रजी विषयाच्या राज्यव्यापी कार्यासोबतच मराठवाडा विभागातील आठ जिल्ह्यांसाठी (छत्रपती संभाजीनगर, बीड, जालना, परभणी, हिंगोली, लातूर, नांदेड व धाराशिव) मराठी, गणित, विज्ञान, सामाजिक शास्त्रे, उर्दू व आय.टी. या विषयांचाही समावेश करण्यात आला आहे. या विषयांसाठी विभागातील सर्व जिल्हा शैक्षणिक सातत्यपूर्ण व्यावसायिक विकास संस्था {District Institute of Educational Continuous Professional Development (DIECPD)} [शासन निर्णय क्रमांक डायट–२०१९/प्र.क्र.९२/प्रशिक्षण दिनांक २८ नोव्हेंबर २०१९ नुसार ‘जिल्हा शिक्षण व प्रशिक्षण संस्था] आणि तालुका व केंद्र स्तरावरील साधन व्यक्ती तसेच शिक्षक सक्षमीकरणाच्या सर्व घटकांची क्षमता समृध्दी करणे अशी नवीन जबाबदारी प्रस्तुत प्रादेशिक विद्या प्राधिकरणाकडे सोपविण्यात आली आहे. 

प्रस्तुत शासन निर्णयानुसार विद्या प्राधिकरणाची जबाबदारी पुढीलप्रमाणे असेल: 

1. राष्ट्रीय व आंतरराष्ट्रीय स्तरावरील गुणवत्तेच्या परिभाषेचा अभ्यास करून राज्यातील शिक्षणाच्या गुणवत्तेसाठी Benchmark निश्चित करणे. या बेंचमार्कमध्ये कालपरत्वे वेळोवेळी आवश्यकतेनुसार बदल करणे. 
2. निश्चित केलेल्या बेंचमार्कच्या प्राप्तीसाठी 
   1. अभ्यासक्रम विकसन 
   2. पाठ्यक्रम विकसन 
   3. पाठ्य व इतर साहित्य विकसन 
   4. शिक्षक व अधिकारी यांचे सातत्यपूर्ण व्यावसायिक विकसन 
   5. मूल्यमापन प्रक्रिया विकसन 
   6. अडचणींवर मात करण्यासाठी संशोधन करणे 
   7. वरील सर्व बाबींसाठी माहिती संप्रेषण तंत्रज्ञान/संगणक तंत्रज्ञानाचा अधिकाधिक वापर करणे. 
3. बेंचमार्क प्राप्तीसाठी सर्व स्तरावर स्पष्टता यावी यासाठी स्पष्ट क्षमता संपादणूक पातळी (Learning Indicators) परिभाषित करून त्यांचे Continuous and Comprehensive Evaluation (CCE) किंवा अन्य मूल्यमापन प्रक्रियेशी सहसंबंध स्पष्ट करणे. 
4. अभ्यासक्रम, पाठयक्रम, पाठय व इतर साहित्य विकसित करत असताना तसेच शिक्षक व अधिकारी व्यावसायिक विकसन कार्यक्रम आखत असताना समता मूलक विचारांकडे लक्ष देणे. शिक्षण हक्क कायद्यांतर्गत १०० टक्के मुलांना शिक्षण द्यावयाचे आहे. परंतु ते राबवत असताना बरेचसे शिक्षक व अधिका–यांना १०० टक्के मुले शिकू शकतात यात विश्वास नसल्याचे जाणवले. त्याच्या मुळाशी क्षमता बद्दलचे समज अपुरे असणे असे ही जाणवले. त्यामुळे माणसाचे चार शरीर प्रकार, विविध धर्म प्रकार, विविध जाती प्रकार, विविध आर्थिक वर्ग, विविध भौगोलिक जन्म स्थान व रहाण्याचे ठिकाण तसेच शहरी व ग्रामीण रहिवास इत्यादी असल्यावर ही माणसे समान असतात हे पटणे सक्षमीकरणाचा सर्वात महत्वाचा घटक आहे. यासाठी विद्या प्राधिकरणाने निरंतर कार्य करणे. या सर्व प्रकारच्या माणसांचे परस्परावलंबनाची संकल्पना समजल्याने क्षमतेची संकल्पना अधिक स्पष्ट होईल हे ध्यानात ठेवणे 
5. अध्ययन व विकासाच्या विविध संधीसाठी साहित्य तयार करणे. उदा. मुक्त दूरस्थ अध्ययन, स्वयं–अध्ययन, गट आणि केंद्रस्तरावर चर्चा, online स्वयं–अध्ययन आणि चर्चा, प्रमाणपत्र प्रदान किंवा या सर्वांचे विविध combination करणे.